Must Read Guide: How To Hack Any Android And iPhone (including Gmail,Facebook,Twitter,Whatsapp etc)

VLC Media Player ki 12 Best Tricks Aur Tips Hindi Me 2016

By
Advertisement



[[VLC Media player tricks and tips in hindi]]

Hello dosto ,isme koi sak nhi hai hum me se aisa koi bhi insaan hoga jo vlc player ke baare me naa janta ho.Sabhi log isko jante hai kyonki iski popularity ka koi andaja nhi hai .Lagbhag sabhi type ke operating system ke liye design kiya ja chuka hai ab chahe bo windows ho,mac ho,linux ho etc.Itna hi nhi isko lagbhag sabhi mobile phones ke liye bhi banaya gaya hai .Vlc media player ke popular hone ki wajah hai ki wo sabhi prkar ke codec ko play karne me maahir hai ,ye ek most versatile video player hai.

Kya aap jante hai ki vlc player ke video or movie play karne ke sath sath disks,webcames,devices,and  stream etc ka bhi use kar sakta hai .Baise to hum sab iske baare me sab kuchh jante hai lekin bahut se aise feature hote hai vlc media player ke jo jyadatar log nhi jante hai jaise online video kaise chalaye vlc par ,apni media files ko convert kaise kare vlc se,video ya mp3 ko record kaise kare apne vlc media player ki help se,apne desktop ki video capturing kaise kare ,webcame ko kaise record kare etc aisi bahut si tricks hai vlc media player ki jo hum log nhi jante hai .

Is wajah se main is post me aapko wo sari tricks provide karane ja raha hoon jisse aap apne manpasand video player ke baareme actual me sab kuchh jaan jaoge .To chaliye hum ek ek karke sabi tricks ko dekhte hi unse related tarike bhi aapko wanhi par dikhate hai.








#1. VLC  Media Player Ki Help Se Online Videos  Play/Download kaise kare

Ye sayad aap nhi jante honge ki is video player me na sirf offline video play kar sakte hai balki online video ya movie bhi play kar sakte hai aur unhe wanhi se download kar sakte hai.Neeche diye gaye steps ko follow kariye aur koi bhi online video chala sakte ho bas aapko us video ka url address maloom hona chahiye .
1) sabse pehle apna vlc media player open karna
 
2) Ab iske baad apne vlc ki screen me upar side dekhna kuchh option honge wanha par ek option hota hai Media is par click karna  aur fir uske baad  Open Network Stream bale option me jana.
 
3) Iske bad ek chhoti si screen khul kar aayegi wanha par ek option hoga network aur fir iske baad ek url ka box khul kar aayega jisme aapko us video ka url link dalna hoga jisko aap play karna hai.
 
4) Ab agar aapko ye video direct play karna hai to neeche ek option hoga stream ka us par click karna iske baad kuchh option khul kar aayenge wanha par likha hoga play simply play par click kar dena.Or ab agar aap chahte hai ki online play na kare isko save kar le apne computer ko to play ki jagah par convert ka option choose karna to isse bo online video save ho jayega bas aapke me internet chalna jaruri hai tabhi to koi cheej download or play kar payenge aap.

#2. Apni Media File Ko Dusre Format Me Convert Kaise Kare VLC Ki Help Se

Neeche diye gaye step follow kariye:
 
1) sabse pehle vlc open kariye
 
2) uske baad media me jayiye aur convert/save par click kariye
 
3) iske baad apni video ya movie file ko add kariye aur convert/save par click kariye
 
4) aur ab aap yanha par jis format ya codec me video ya movie ko convert karna chahte hai simply usko select kar dijiye.

#3. Jo Aap Video Ya Audio Chala Rahe Ho VLC Me Usko Record Kaise Kare

ye trick un logo ke liye useful hai jo kisi video ya mp3 ka thoda sa part hi record karna chahte ho jaise maan lo koi video 5 minute ka ho aur aap iska 2 mintuse se 3 minutes bala seen record karna chahte hai ,iske liye simply neeche diye gaye step dekhiye.
 
1) sabse pehle apna vlc media player kholiye
 
2) Iske baad View par click kariye aur  Advanced Controls bale option par jaana.
 
3) jaise hi aap advanced control par click karenge tb aap neeche side janha par play aur push ka ,forward,backward ka button hota hai wanhi par ek recording ki bhi gol bautton ban kar aa jayegi .
 
4) ab maan lo apko ek kisi video ko chala rahe hai aur aap chahte hai ki iske is chhote se part ko copy kar le ya record kar le to simply kya kariye bo recording bali button daba dena aur janha par stop karna ho to usse stop bhi kar dena .
 
yaad rahe agar aap video record karoge to wo video aapko aapke video folder me save ho jayega aur agar mp3 file ko record karoge to bo aapke music bale folder me save ho jayega apne aap.

#4. Apne Desktop Ki Screen Recording Bhi Kar Sakte Hai VLC Se

Kya aap screen ki recording ka matlab samjhte hai agar nhi to simply ye jaan lijiye ki jab hum apne computer par koi bhi kaam kare aur hum chahe ki humne kya kaam kiya hai apne desktop par to aapko ek video file banani hogi usi ko screen video kehte hai. us video main sab kucch record ho jayega jo aapne jaise jaise kiya ho maan lo aapne pehle my computer open kiya fir movies bala folder khola iske baad fir kuchhh kiya to ye sab process aapke background me record ho jati hai vlc media ki help se .Baise to is kaam ke liye bahut se screen recorder software aate hai but jab humare paas vlc hai to fir kyon dusre kisi software ka use kare.Baise sahi kahe to ye un logo ko jarurat hoti hai jo apna video khud ka banakar youtube par upload karna chahte ho .To chaliye jante hai kaise apni screen ko record karte hai

1) sabse pehle apna vlc media player open kariye 
2) Iske baad Media bale option me jayiye  aur fir Convert / Save bale option par click kariye.
 
3) Ab yanha par ek tab hogi capture device ke naam se is par click karna .
 
4) Iske baad capture mode ke samne ek drop down bala option hoga us par click karna aur wanha par 3 option honge unme se desktop bale option ko select kar dena.

5) Iske baad aapko ek aur option milega wanha par apna frame rate ko adjust karne ka ,aaap yanha par apna frame rate select kar dijiye ,agar aap nhi jante ki frame rate kya hota hai to jaan lijiye ki 1 second me li gyi ek photo ka frame rate 1 hota hai ,baise sabse achhe frame rate ka video 30 photo/ second ka hota hai.Ye aap apni marzi se select kar sakte hai.
 
6) Aur bas last me aap convert/save bale option par click kar dena iske baad ek new window khul kar aayegi isme ap apna loctaion daal dena jaha pa aapki video record hokar save ho jayegi.Aur apna codec choose kar lena wanha par ki kis type ki recording karna chahte hai aap mp4, ya hd ya mkv.

#5. Apne Webcam Ki Recording Kaise Kare 

jaisa ki aap jante hai ki vlc ne aise bahut se aise feature de rakhe hai jo usko popular bakane me important role play karta hai.Iski help se hum apne computer me lage webcam ki bhi recording kar sakte hai ,to chaliye jante hai kaise.

1) sabse pehle apna vlc media player open kariye
 
2) Iske baad Media par click karna aur  Open Capture Device ko select karna iske baad DirectShow ka option choose karna jo drop down menu me hoga capture mode ke aage.
 
3) Ab aapko is screen me video aur audio ki setting ko adjust karne ke liye kuchh feature diye hote hai aap chaho to ye adjust kar lo nhi to aise hi default karke select kar do and play ki button neeche di hui hogi us pr click kar .
 
4) Ab jaise hi ap click karenge play button par  jakar to aapka computer ya laptop ka webcam start ho jayega aur apke samne vlc par aapka video start ho jayega.

#6. Video And Audio Effects  Tools 

jyadatar mobile me hum dekhte hai ki kuchh function hote hai jo humare music player me pehle se hi aate hai jaise Rock,beat,trouble,pop,etc.bilkul usi tarah ke sound feature humare vlc player me bhi hai jinki help se aap apni movie dekhne ki style ko hi badal sakte hai ,video ka color change kar sakte ho,sound change kar sakte etc.To chaliye dekhte hai kaise.
 
 1) sabse pehle apna vlc media player open kariye
 
2) Iske baad aap Tools me jaana aur fir Adjustments and Effects.
 
3) Ynha par audio effect me aap sound change kar sakte hai aur video effect bale section me jakar aap video ka color , crop, rotate video, add filters, etc kar sakte hai .

#7.Apne Web Browser Se VLC Ko Control Kaise Kare.

ye mere khayal se vlc ka sabse achha feature laga mujhe ,iski help se hum apne browser se vlc media player par pura control bana sakte hai ,yahi itna hi nhi balki hum apne mobile device se bhi apne dekstop ke vlc player ko control kar sakte hai.To chaliye dekhte hai kaise.

1) sabse pehle apna vlc media player open kariye
 
2) ab iske baad aapko vlc ka controling feature ko enable karna hoga iske liye aap sabse pehle  Tools me jaana fir iske baad Preference par jana aur wanha par left side dekhna 2 option honge simple aur all ka simply all par click kariye jisse sari setting show karne lagengi .
 
3) jaise hi aap all par click karenge to uske upar sabhi setting show karne lagengi wanhi par aapko dekhna hoga ek option hoga  Interface ka is par click karna aur  uske neeche likha hoga Main Interface us par click karna to bagal me kuchh option khul kar aa jayenge .
 
4) ab yanha par apko web check par tik karna hoga .
 
5) iske baad neeche box ban kar aayega http likha hoga us par .
 
6) Ab iske baad aapko fir se interface par click karna aur main interface me jo neeche option khul kar aate hai unme ek option hoa Lua ke naam se us par click karna to bagal bali screen me kuchh option khul kar aayenge.
 
7) ab apko neeche dekhna hoga wanha par ek option hoga Lua http password ka usme apna koi bhi password daal dena.Aur save kar dena isko save buttton par click karke.
 
8) Ab aapko check karna hai ki web browser se vlc control ho raha ki nhi uske liye simply apna web browser open karna aur uske url box me localhost:8080 daal kar enter kar dena.
Iske baad ye aapse paasword daalne ke liye bolega jo ,yanha par aapko wahi baala password daalna jo aapne Lua http password me dala tha.
 
Ab bas aap dekhenge ki aapka vlc player ka controller apke browser me show karne lagega.

#8.Watermarks ko kaise add kare Video me vlc ki madad se

Is trick ki help se aap apne video me koi text likhkar save kar sakte hai jaise maan lo aapko apna naam likhna hai video jab play ho to aap neche ke step follow kariye ,aap apna khud ka logo bhi laga sakte hai kis video me .simply follow kijiye steps jo neeche diye hai.
 
1) sabse pehle apna vlc media player open kariye
 
2) iske baad  Tools me jana fir   Effects and Filters bale option me jaana.
 
3)  iske baad simply video effect tab par click karna  iske baad Overlay tab par jaana.yanha par ek option hota hai yaa to aap apna khud ka logo add kar do ya fir apne koi text vlc player ki kisi perticular file me add kar sakte aur kanha par add karna hai text jaise video ke neeche ,upar ya middle me ya kinare yanha par sab option honge jo aapki need ho aaap usi hisab se choose kar kena bas ab jab aap video play karenge tab dikhega ye text jo aapne enter kiya tha ya logo jo aapne dala tha.

#9.Podcast  ko Subscribe kaise kare  vlc media player ki help se

1) sabse pehle apna vlc media player open kariye
 
2) iske baad aap playlist ki taraf jagah dekhna jo left sidebaar me hoti hai ,wanhi par ek option hoga internet us par click karna.
 
3)iske baad kafi sare option khul kar aayenge  simply podcast bale option me jo add(+) ka sign bana hoga us par click karna.
 
4) ab aapke samne ek chhota sa box khul kar aayega isme apna podcast ka url link daal kar okay ki button par click kar dijiye bas.Isse aapka man pasand podcast subscribe ho jayega.

#10. Internet Radio kaise chalaye vlc media player me

Aapne sayad ye pehli baar suna hoga ki vlc me radio bhi chalta hai bas iske liye aapko internet ki jarurat padegi.Ab jab aapke computer me internet chal raha hoga tab aap asani se radio ko play kar sakte hai.iske liye aapko sirf station ka url maloom hona chahiye bas .Neeche main bata raha hoon ki kaise chalate hai simply step ko follow kariye.

1) sabse pehle apna vlc media player open kariye
 
2) iske baad Media me jaana fir   Open Network Streams main jaana.
 
3) Aur yanha par network tab me jaana fir ek url box ban kar aayega usme aapko apne internet radio station  ka same url daal dena hai .
 
4) Ab iske baad neeche play ka option hoga usme jaana aur drop down menu me se stream ka option choose kar dena ,ab bas aapka manpasand station chalane lagega.

#11.Desktop me video bala wallpaper laga sakte ho vlc se direct

Is trick se kya hoga ki aap agar chahte ho ki aapka manpasand video humesa aapke dektop par chalta rahe jaise koi photo or wallpaper hum desktop me laga dete hai bilkul baise hi to aap neeche diye gaye steps ko follow kariye.
1) sabse pehle apna vlc media player open kariye
 
2) iske baad Tools me jaana fir  Preference  me jaana
 
3) Ab yanha par  video  icon par click karna hoga jo left side me diya hota hai.
 
4) Ab video setting ke andar aapko output ke option ke aage jo drop down menu hai usme se directx video output select karna hoga.
 
5) ab setting ko simply save kar dena aur exit kar dena .
 
6) now ab  aapko vlc media player ko restart karna hoga.

7) Ab aapko kya karna hai ki wahi video play karna hai jo aap desktop par wallpaper ke roop me lagana chahte hai .

8) ab jab aapka video chal raha ho to vlc ki screen par right click karna aur wanha par video bali tab me ek option hoga  direct x wallpaper ka use select kar dena.
bas ab aapka kaam ho gaya aapne succesfully video ko desktop wallpaper bana liya hai vlc ki help lekar.

#12.Snapshot kaise le vlc me

Ab maan lo aap koi movie dekh rahe hai aur aapko usme se koi moment achha laga jaise famous titanic ka kissing bala moment aur aap uski picture or screenshot lena chahte ho to aap niras ho jate ho aur wo moment ko fir se back kar ke dekhte ho to aisa kyon kare kyon na hum uski photo hi kheench le matlab screenshot le le ,To iske liye aapko karna kya simply koi movie ya video chalana hai aur jab koi achha seen aaye to apne windows computer me shift+S ki button dabaiye ,aur yadi aap linux  ka operating system use kar rhe hai to CMD + ALT + s ki button dabayiye.

Ab aapki bari hai dosto batane ki yanha par batayi gayi vlc media player ki tricks aapko kaisi lagi ,agar kisi bhi trick me aapko koi dikkat ho to please comment kijiye .Agar aapko mera ye post pasand aaya ho to please isko share karna nhi bhooliye,Aaapke support ke bina main is knowledge ko aage tak nhi pahuch sakta ,isiliye mere post ko share karke  meri help kijiye taaki main aapke liye ek se badhkar ek tricks aur hack la saku .....Dhanyabaad Aaapka din achha ho.